Седагет Керимова: "ДИДЕД ЧIАЛ" ("Материнский язык" материал на лезгинском языке)

О рубрике "КАВКАЗ"


Седагет Керимова: "ДИДЕД ЧIАЛ" ("Материнский язык" материал на лезгинском языке)
21.02.2017

Седагет Керимова: "ДИДЕД ЧIАЛ" ("Материнский язык" материал на лезгинском языке)

Квез дидед чIалан югъ мубаракрай, чан жуванбур!

Куь рикIера, куь мефтIера, куь хиялрани мурадра хайи чIалан тIям аваз хьурай!

Къенин суварик дад кутун патал ша къе чун вири дидед чIалал рахан: интернетдани, кIвалени, кIвалахални. Регъуь тахьана, чIугварвал тавуна, жедайвал рахан. Им дидед чIалаз виридалайни чIехи икрамун лагьай чIал жедай.

За квез виридаз руьгьдин кьакьанвал тIалабзава.Руьгьдин кьакьанвилин сад лагьай шартI лагьайтIа, дидед чIалаз икрамун я.


Зи гафарихъ яб це, зи хва,
Лезги чIалав аламат гва.
Гьатун патал и ашкъ чанда,
Вун адан цIу кана кIанда.

Ваз хайи чIал кIан хьухь, зи хва,
Ам диде хьиз на хуьх, зи хва.
КьатIутI вуна адан сесер,
Ийидайвал рикIиз эсер.

Кь - кьегьалвал ви лишан я.
КI - кIвалевай ви хизан я.
Гь - гьунарар чи бубайрин.
Хъ - мехъерар чи убайрин.

Хь - хьар я чи дигедавай.
ЧI - чIал я чи меце авай.
ТI - тIалар я чна чIугур.
Къ - къеле я Шагьдагъ лугьур.

Уь - уьмуьр чаз Гъуцарин пай.
Гъ - гъвар я чи руьгьдик галай.
ЦI - цIай я чи рикIе авай.
ПI - пIир я чи, Ватан лагьай.

Гьар гьарфунихъ ава аваз,
Гьар гаф мили шиир я ваз.
Хайи чIалан суьгьуьрдаваз,
Уьмуьр гьала бахтавар яз!



________________________________________

Седагет Керимова

← Назад к списку новостей

  
ВКонтакт Facebook Одноклассники Twitter Яндекс Livejournal Liveinternet Mail.Ru